Liv û tevgera li nava siyaseta Îsraîlê nasekine. Li welêt ji bo pêkhatina hilbijartinên pêşwext gaveke krîtîk hate avêtin. Parlamentê pêşnûme qanûna li ser fesixkirina meclîsê roja Çarşemê di xwendina destpêkê de qebûl kir.

Derbasbûna vê pêşnûmeyê ji qonaxa destpêkê ku ji aliyê hikumeta koalîsyonê ve hate pêşkêşkirin, bû gava destpêkê ya fermî ya li ser pêvajoya qanûndanînê. Muxalefetê û avaniyên cuda yên siyasî jî metnên xwe yên fesixkirinê pêşkêş kirin.

Partiyên Ultra-Ortodoks (Haredi) dixwazin ku hilbijartin di destpêka meha Îlonê de bêne kirin. Serokwezîr Binyamin Netanyahu ji bo vê yekê asteng bike, du rojên dawî dîplomasiyeke berfireh dimeşand. Netanyahu ji bo astengkirina hilbijartinan hewl da ku nakokiyên li nava partiya xwe Likudê çareser bike û ji bo piştgiriyê ji qanûna reforma leşkeriyê werbigire, hevdîtinên krîtîk bi parlamenteran re kir.

Netanyahu bi parlamenterê Likudê Eli Dallal re rûnişt ku difikirî dikare sekna wî ya li pêşberî pêşnûmeyê biguherîne, lê belê encameke şênber ji vê hevdîtinê derneket. Serokwezîr hewl da kesayetên din ên partiyê yên xwedî giraniyê Yuli Edelstein û Dan Illouz îqna bike, lê piştî ku bê encam ma neçar ma ku paş ve gavê biavêje.

Organa partiya Ultra-Ortodoks Degel HaTorah rojnameya Yated Neeman ragihand ku partî wê dengê xwe bide fesixkirina meclîsê.